ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងមហាផ្ទៃប្រាប់ឱ្យគ្រប់អភិបាលរាជធានី-ខេត្តបង្កលក្ខណៈងាយស្រួលដល់គណបក្សនយោបាយក្នុងការធ្វើសកម្មភាព

  • ចុះផ្សាយថ្ងៃទី០៨ ខែកុម្ភៈ ឆ្នាំ២០២២ ម៉ោង ១៣:២០ នាទី ដោយ Horn Thovan
  • 2354
  Aa |   aA

ភ្នំពេញ៖ ក្រសួងមហាផ្ទៃបានស្នើគណៈអភិបាលរាជធានី-ខេត្ត ឱ្យបង្កលក្ខណៈងាយស្រួលដល់គណបក្សនយោបាយដែលបានចុះបញ្ជីត្រឹមត្រូវតាមច្បាប់ចូលរួមប្រកួតប្រជែងក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ និងការបោះឆ្នោតជ្រើសតាំងតំណាងរាស្ត្រអាណត្តិទី៧ ឆ្នាំ២០២៣ខាងមុខ ប្រកបដោយលក្ខណៈ សេរី ត្រឹមត្រូវ និងយុត្តិធម៌។

នៅក្នុងលិខិតចុះថ្ងៃទី៧ ខែមករា ឆ្នាំ២០២២ ក្រសួងមហាផ្ទៃ បានបញ្ជាក់ថាគ្រប់គណបក្សនយោបាយដែលបានចុះបញ្ជីស្របច្បាប់ទាំងអស់ អាចធ្វើការបើកទីស្នាក់ការ លើកផ្លាកសញ្ញាគណបក្ស ជួបប្រជុំនយោបាយ ឬការជួបជុំមន្ត្រីគណបក្ស អាចធ្វើទៅបានដោយគ្រាន់តែជូនដំណឹងជាលាយលក្ខណ៍អក្សរទៅអាជ្ញាធរឃុំ-សង្កាត់ មិនចាំបាច់សុំការអនុញ្ញាតពីអាជ្ញាធរឃុំ-សង្កាត់ជាមុននោះទេតែត្រូវសហការជាមួយអាជ្ញាធរមានសមត្ថកិច្ចប្រកបដោយការយល់យោគ។ លើកលែងតែការលើកផ្លាកសញ្ញាគណបក្សនៅតាមទីសាធារណៈ ទីប្រជុំជន ឬតាមដងផ្លូវនានា និងការជួបជុំនយោបាយនៅតាមទីសាធារណៈប៉ុណ្ណោះដែលចាំបាច់ត្រូវធ្វើការស្នើសុំពីអាជ្ញាធរជាមុន។

ក្រសួងមហាផ្ទៃបញ្ជាក់ថា ពាក្យសុំត្រូវដាក់ជូនអាជ្ញាធរឃុំ-សង្កាត់ ក្នុងរយៈពេល៣ថ្ងៃមុនរៀបចំលើកផ្លាក ឬជួបប្រជុំនយោបាយ ដោយអាជ្ញាធរឃុំសង្កាត់ ត្រូវពិចារណាលើសំណើនេះក្នុងក្របខណ្ឌសមត្ថកិច្ចរបស់ខ្លួន អំពីបញ្ហាសន្ដិសុខ សណ្ដាប់ធ្នាប់ សុវត្ថិភាព ពិសេសសុវត្ថិភាពចរាចរណ៍ សោភ័ណភាពសាធារណ និងអនាម័យសាធារណៈ ដោយត្រូវឆ្លើយតបទៅគណបក្សនយោបាយសាមីវិញយ៉ាងតិច១ថ្ងៃ។

ក្នុងសារាចរណែនាំនោះបានលើកឡើងថា៖ «ការជួបប្រជុំនយោបាយនៅតាមទីសាធារណៈដូចករណីខាងលើនេះ អាជ្ញាធរមានសមត្ថកិច្ចត្រូវពិគ្រោះជាមួយគណបក្សនយោបាយសាមី អំពីវិធានការចាំបាច់ដែលគណបក្សនយោបាយត្រូវផ្ដល់កិច្ចសហការ និងការយោគយល់គ្នាទៅវិញទៅមក អំពីបញ្ហាសន្ដិសុខ សណ្ដាប់ធ្នាប់ សុវត្ថិភាពសាធារណៈ និងអនាម័យសាធារណៈ រួមទាំងវិធានការសុខាភិបាល»។

បច្ចុប្បន្នមានគណបក្សនយោបាយដែលបានចុះបញ្ជីនៅក្រសួងមហាផ្ទៃជិត៥០គណបក្ស។ ការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ នឹងប្រព្រឹត្តិទៅនៅថ្ងៃទី៤ ខែមិថុនា ឆ្នាំ២០២២៕ 

ព័ត៌មានជាច្រើនទៀតសម្រាប់អ្នក